Sagardotegia

Txotx garaia

Urtarriletik maiatzera, Txotx garaian, sagardotegietako ohiko menua eskaintzen dugu. Gozatu Euskal Herriko hitzordu gastronomiko herrikoi honetaz. Txotx!

Txotx garaia kupelean dagoen sagardoa dastatzeko egiten den usadioa da. Urtarrilaren 20aren aurreko ostiralean hasi ohi da, Donostia egunean, eta Bereziartuaren kasuan maiatzaren amaierara arte jarraitzen du. Sagardotegira joaten ziren sagardogileen, jatetxeen, partikularren eta abarren arteko dastatze gisa hasi zen usadio hori, kupelak dastatu eta baldintza onenetan zegoen sagardoa aukeratzeko. Gaur egun, euskal gizartearen ekitaldi gastronomiko herrikoia da.

Kupelak jantokiaren inguruan kokatzen dira, eta sagardotegiko jabeak irekitzen ditu kupelak, sagardoaren bilakaera arabera beti ere bere ezaugarrien aukeraketa egokiena eginaz. Ondoren, sagardoa dastatu nahi duen orok edalontzia hartu eta kupelera hurbildu beste lanik ez du, bere txanda iritsi zain ilaran jarrita

Edalontzia bi hatz inguru bete eta sagardoa presarik gabe dastatu behar da, trago bakarrean, bere ezaugarriak ez galtzeko.

TXOTX garaia

HASIERA: 19/01/2024
AMAIERA: 25/05/2024

Sagardotegiko ordutegia

Sagardotegia sagardotegi garaian bakarrik dago irekita.

Taldeentzat bisitak antolatzeko edo sagardotegira beste orduetan joan ahal izateko kontsultatu

Sagardotegiko menua

Momentuak

Historia

1870ean hasi zen Bereziartua familia sagardogintzan. Orduan ekoitzi genituen Bereziartua Sagardoak etxearen aurreneko produkzioak Ergobiako eraikinetan. Mende bat geroago, 1970ean, gure sagardotegiak Astigarragako eraikina hautatu zuen behin betirako “sagardua” ekoizteko.

Harrezkero, lanean jarraitu dugu gaur egun sagardo naturalaren ekoizpenean garen erreferentea bilakatu arte. Hori bai, familia izaera galdu gabe eta sagardoaren eta sagardotegien inguruan dagoen kultura errespetatuz. Zuek guztiok sagardotegi baten benetako esentziaz gozatzeko aukera izan dezazuen.

Sagardotegiaren sorrera Ergobian

1870

Astigarragako egungo kokapenera lekualdaketa. Abeltzaintzaren uztea eta sagardoaren ekoizpenaren sendotzea.

1978

Esportazio hasiera

2008

Euskal Sagardoa Jatorri-deituraren sorrera

2015

Sagardotegiaren 150. urteurrena

2020

Gure upeltegia

Bereziartua Sagardotegian hiru upel-gune ditugu. Horietako bi egurrezko eta zuntzezko upelez osaturikoak, eta hirugarrena upel herdoilgaitzekin. Dastatzeak eta analisiak bost zentzumenak areagotzea dakar, ikusmena, usaimena eta dastamena batez ere. Ikusmenari dagokionez, koloreari erreparatu behar zaio batez ere. Edalontzian gas karbonikorik ba ote dagoen, garbitasuna, distira, jariakortasuna, eta abar.

Sagardoa zerbitzatzen denean sortzen den apar artifizialak azkar eta erabat desagertu behar du. Usaimenari dagokionez, intentsitatea, kalitatea eta lurrinen izaerak dauka garrantzia. Zaporeari dagokionez, oinarrizko lau zaporeei erreparatu behar zaie: gozoa, gazia, azidoa eta garratza. Baita zapore horien arteko nahasketari ere. Sagardoa ontzat jotzen da bukaeran halako gozotasun apala uzten badu. Hala bada, produktu lehorra dela esango da, hondar-azukrerik gabekoa. Dastatze hori egin ostean, sagardoarekin gozatzea besterik ez zaigu geratzen.

Sagardoa, ondo prestatuta eta zainduta dagoenean, edari freskoa da, tonikoa, elikagarria eta osasungarria; hau da, ahosabai zorrotzenak asetzeko modukoa.